Publication

周啟明醫生（KM）的口袋內常有一支於坊間文具店有售的日本製藍色墨水鋼筆，每支賣港幣數十元。雖無特別紀念價值，但KM習慣用它來寫病人報告。一次誤將這支筆連同制服丢進污衣籃，更成為了他在Dirty Team內的一個低潮，「好傷心，一個人唔見咗自己打仗嘅用具喎！」

有一晚KM如常由醫院跑步回家，藉此緩解工作壓力，途中他驚覺自己因為當值太累，換衣服時不慎將鋼筆扔掉，幸好翌日他在污衣籃內尋回「愛筆」，失而復得的經歷更讓他有感而發，「個故事令我覺得，其實你一做得耐少少就會忘記啲野，到時就唔係掉左支筆，而係除衫除得唔合符傳染病標準，整污漕自己，令自己感染，令我更知道我要愛錫我班同事，唔好要佢哋做咁耐，否則唔係冇咗支筆咁慘，係冇咗條命。」

自此，作為威爾斯親王醫院內科部部門主管的KM擔起了每天下午5時至9時隔離病房收症的工作，讓通宵當值的醫生可以遲4小時才上班，確保他們能充份休息。雖然現在每晚近11時才回家，但10歲的女兒還是會出來迎接KM，笑他因長時間戴N95口罩令鼻樑多了一條深深印痕，「佢會話：『Daddy 你塊面又核突咗。』畀個女笑一笑，係開心嘅，即係佢有留意我。」日間與同事們齊心在醫院打仗，晚上回到家裡和家人吃飯聊天，都讓KM有能量走過這次疫情中的每個低潮。